The Bus Tragedy

8:30 P.M.
Eksaktong alas otso y media ng gabi umaalis ako ng bahay. Hindi gimik o gala ang punta kundi para kumayod para sa kinabukasan. Abnormal. Alam ko na yan. Pero may sarili akong mga dahilan na hindi ko na iisa-isahin dahil hindi naman doon patungkol ang akdang ito.

Bag Pack.
Ang madalas kong gamiting bag dahil sa kalakihan nito panalo sa dami ng gamit na dala ko. Ni hindi ko na naiisip kung bagay o taliwas sa damit na suot ko. Basta ang alam ko komportable ako.

Bus.
Matapos sumakay ng dalawang jeepney ay nasa SMF na ako. Naghihintay ng bus papunta sa destinasyon ko. Sumakay. Nagbayad.

St. Peter.
"Sa may overpass lang po". Yan ang sabi ko sa konduktor habang isinusukbit ang bag sa may balikat ko.

3 lalake.
Ang nauna sakin sa pagbaba. Nakakapag taka. Kalimitang wala masyadong bumaba sa overpass na binababaan ko. Dahil bukod sa simbahan na sarado na ng mga oras na iyon, ang mga taga gusali lang namin ang maaring bumaba sa overpass, ngunit hindi sila mukhang pamilyar. Hinayaan ko lang. Tumayo ako.

Pinalampas ko ang tatlong kalalakihan saka tumayo. Huminto ang bus. Nakakapagtakang hindi pa sila bumababa, nauna ako. In-overtake ang dalawang lalake sa unahan ko ngunit ang isa ay tila ayaw magpalampas, nakahawak ang dalawang kamay sa gilid ng pintuan ng bus sabay sabing,

"Sa ever pa ako bababa".

Hindi naman maalog, pero naramdaman kong ginigitgit ako ng dalawang kalalakihan sa likuran ko. Limungin ko. Nagsimula na ang aking kaba at malamig na pawis. Hinarap ko ang bag ko at pagtingin ko, nakabukas ang bulsa. Tila napansin din ng drayber ang nangyari, nakita ko sa kanyang reaksyon. Alam naming lima; ako, ang talong lalake at ang drayber, na may nangyayaring hindi tama. Agad kong pinasok ang kamay ko sa bulsa ng bag ko. Tiningnang masama ang lalake sa aking likuran at tumingin din sa drayber habang sinasabi sa aking isipan na ayos lang ako sabay baba ng bus.

Nagmamadali akong pumanik ng overpass. Habang pasilip silip sa aking likuran. Hindi na ako sinundan ng tatlong lalake na bumaba din sa overpass na binabaan ko kahit na sabi ng isang lalake hindi pa sya doon bababa.

Habang tinatahak ang patawid ng tulay saka ko naisip kung ano ang nangyari. Pasalamat nalang ako bago ako tumayo ng bus kinuha ko ang cellphone ko mula sa bulsa ng bag at isinuot sa plastic bag na bitbit ko sa kanang kamay.

Tatlong kalalakihan. May maganda pangangatawan at matinong kaisipan, sa una ako'y sigurado pero sa pangalawa pagiisipan ko munang muli. Hindi ba sila makahanap ng matinong trabaho para may mailagay sa plato at makain ng kanilang pamilya?

Bumaba ng overpass. Pumasok sa building. Nag-swipe ng ID at umupo sa station 66. Humingang malalim at nagpasalamat sa Diyos.

E.D.S.A.

(Isang post mula sa isa ko pang blog. Sumagi lang sa aking isipan na bagay sya dito. ^^ )

Posted last: 9 June 2008 (Lunes)

Isang mainit na araw nagmamaneho ako sa may EDSA

I'm not sure kung saan ako papunta

Kahit mahal ang gasolina, sagot ko na

Basta sa roadtrip ko, kasama ko sya

Pinahinto niya bigla ang sasakyan

Pupunta lang sa tindahan ang paalam

Para bumili ng mamam

Hininto ko ang sasakyan tutal traffic naman

Libong sasakyan na ang lumipas

Wala pa rin ang ahas! [haha. sorry s kania la ku maisip na katunog pa]

May tiket na ako ng pulis

Naghintay pa rin sa kabila ng inis

Wala na ang traffic sa EDSA

Nakapark pa rin at nag-iisa

Naghintay ako dahil choice ko

Inintay ko sya kahit impatient ako

Tanong ko lang sa kanya, babalik ka pa ba?

O magda-drive nalang ako mag-isa

Ang chikot ko'y magoover heat na

Hindi na makapaghihintay pa

Aandar na ako pero nag-iwan ako ng mapa

Para kung sakaling bumalik sya

Upuan sa tabi ko ay bakante

Dahil sya lang ang gusto kong makatabi

Maraming gustong sumama sa roadtrip ko

Pero sya lang ang pinili ko

Sa wakas, iiwan ko na rin ang EDSA

Kung makita mo siya'y pakisabi nalang sa kanya:

"Sa paglalakad wag masyadong lumayo sa EDSA,

Baka daan pabalik ay makalimutan mo na.

Kung nakabalik ka na sa EDSA at hindi mo ako nakita,

Magtext ka lang, magyu-u-turn ako masundo ka lang."

----------------------------------

EDSA - term na ginagamit ng kalabit sa mga taong hindi makamove on.

***ngaun, ikaw na ang maginterpret sa tulang nabasa mo. ^^

Mga Kalimitang Naiiwan sa Summer Outing

Wala na yatang tao ang may ayaw sa summer, i-set aside mo na dyan ang sobrang init at minsang pagkabagot gawa ng walang magawa sa buong magdamag. Pero, summer is summer! At anong silbi ng summer mo kung wala ka man lang kahit isang summer outing? O.o

Panic packing. Naku, sanay tayo dyan. Sa mañana habit ba naman ng mga Pinoy e! At panigurado ako naranasan mo na ung kung kelan nasa saksakyan ka na at sumasabay sa uga, pag-liko, at paghinto ng sasakyan saka mo maaalala na 'Naku! Wala akong *****' Oh maygad!'.

(SFX: Evil Laugh)

Ng dahil sa mga byahero at turistang kagaya ng nasabi sa itaas, kaya napanganak ang blog na ito. ^^

Ang mga kalimitang naiiwan tuwing may summer swimming outing.

5

~~~~~~~~~~~~~~~~~~~~~~~~~~~~~~~~~~~~~~~~~~~~~~SHAMPOO

Uhmm. Pwede din naman itong maging exception. Kasi paminsan, o pwede nating sabihing kadalasan, eh hindi na nagdadala ng shampoo. Ang manglalakbay ay gagawa nalang ng paraan sa kung kaninong kaibigan o kapwa manlalakbay manghihingi ng shampoo ng kahit anong brand na paminsan pa nga ay pinaghahalo-halo makakuha lang ng sapat na dami para ipambula sa buhok na binabad sa chlorine ng ilang oras.

4

~~~~~~~~~~~~~~~~~~~~~~~~~~~~~~~~~~~~~~~~~~~~~~DEODORANT

Para sa mga gumagamit ito'y isang malaking kawalan lalo na kung matapus mag swimming ay napaka dry ng balat at pag pinagpawisan sa byahe pauwi sila'y kakabahan na baka may kung anu mang hindi kanais nais na malanghap ang tropa. Pero para naman sa mga hindi gumagamit, wala lang.

3

~~~~~~~~~~~~~~~~~~~~~~~~~~~~~~~~~~~~~~~~~~~~~~PLASTIC

Isa ito sa pinakamalimit makalimutan. Isipin mo, kung walang plastic babyahe at uuwi ka ng pagkalayo layo ng hawak mo sa isang kamay ay ang iyong 2-piece o trunks. Kung nasa venue na, at nangyari na nga ang hindi inaasahan, nakalimutan na ang plastic! Agawan sa mga supot ng chichirya, softdrinks at sa kung ano mang baon ng barkada na naka-plastic. Kung kinapos para sayo, dalawa lang yan; uuwi kang may hawak na basahang damit, o uuwi kang may basang bag.

2

~~~~~~~~~~~~~~~~~~~~~~~~~~~~~~~~~~~~~~~~~~~~~~UNDIES

Naranasan mo na ba ito?

Ikaw: (habang ligayang ligaya kang nagkukuskos ng balat upang tanggalin ang chlorine at libag na dumikit sa iyong balat dulot ng matagal na pagbababad sa tubig pool na kung kelan man huling pinalitan ay hindi na maalala.)

...matapos maligo at magpatuyo.

Ikaw: Waaaaaaaaaaah! Wala akong bra! >_<

oh maygad!

Ang masasabi ko nalang sa'yo, GOODLUCK! ^^

1

~~~~~~~~~~~~~~~~~~~~~~~~~~~~~~~~~~~~~~~~~~~~~~TOOTHBRUSH

Ang pinakamasaklap na maiwan lalo na kung overnight ang lakad. Hindi pa naman hygienic ang manghiram ng tootbrush. Combohan mo ang kain mo ng cracklings, at adobo na may maraming bawang,  ay naku. The best ang hininga mo nyan! :))

Sana lang mabasa mo ito bago ka umalis at magsummer outing. ^^

So pano? Enjoy sa get away!! SUUUUUUMMMMEERRR!!!